| Selamat Datang di Lubas Forum dengan harapan anda betah berada di sini. Anda sekarang melihat forum kami hanya sebagai tamu. Ini berarti anda dibatasi untuk menjelajah dan anda tidak bisa menggunakan fitur - fitur menarik lainnya. Jika anda bergabung dengan Forum kami ini, anda akan bisa mangakses bagian member (anggota), dan gunakanlah fitur - fitur keanggotaan termasuk mengkostumisasi profil anda menjadi menarik, mengirim pesan pribadi (personal massage), mengikuti voting dan Chat dengan sesama member. Registrasi sangat mudah, cepat dan GRATIS. Klik DAFTAR dan bergabunglah dengan Lubas Forum! Jika anda telah menjadi anggota silahkan masuk (log in) ke akun anda untuk mengakses semua fitur kami. |
| Kado Duko Masisir(Mahasiswa Mesir) untuak Gampo Sumbar | |
|---|---|
| Tweet Topic Started: Thursday, 10. December 2009, 02:42 (404 Views) | |
| af1 | Thursday, 10. December 2009, 02:42 Post #1 |
![]()
|
Posted Image Malam Paduli Gampo Sumbar, Rabu sore (13/10) yang dikameh oleh Tim Paduli Gampo Sumbar-Mesir melalui tajuak “Kado Duka Masisir(Mahasiswa mesir untuak Sumbar” berhasil mahimpun dana 3.111, 20 pound atau samo jo 6 juta rupiah. Sungguah pancapaian yang sangaik luar biaso oleh tim, apolagi 250-an sadonyo yang hadir dinominasi oleh mahasiswa Indonesia yang tangah manimbo ilmu di Mesir(Masisir). Barangkek dari raso paduli jo solidaritas nan tinggi, mereka tetap manyisiahan sabagian dana untuak korban gampo Sumbar. Simpati itu adolah carminan, bahwasanyo duko rakyaik Sumbar adolah tetesan aia mato anak bangsa di seantaro dunia ko! Acara tu marupokan agenda puncak dari Tim Paduli Gampo Sumbar, setelah babarapo hari sabalumnyo tim alah manggalang dana lo di berbagai pusat karamaian WNI di Mesir. Sadonyo tu, bukan bararti tim akan baranti dan balapeh tangan dari pihak nan ingin manyaluran dananyo, sabab tim akan taruih mangoptimalan panghimpunan dana sampai akhir Oktober ko. “Dipastian jumlah dana nan alah masuak ka khas Tim Paduli akan taruih batambah, mangingek babarapo pihak nan ditarget an oleh tim sabagai donatur masih dalam tahapan komunikasi.” kecek Ketua Tim Paduli, Alnofiandri Dinar, Lc. di tangah-tangah rapek evaluasi acara di Auditorium perkumpulan mahasiswa Jawa Barat, daerah Bawabah H-10, Nasr City Cairo. Salain pamutaran film dokumenter gampo nan diproduksi oleh Rangkiang Production (sabuah komunitas kreartif mahasiswa Minang nan di Mesir), acara puncak Rabu malam tu diselingi juo jo pamaparan kondisi, informasi takini dan dampak gampo di Ranah Minang oleh Sdr. Ade Syafei nan kebetulan babarapo hari pasca gampo tangah barado di Padang. Acara samakin sedu katiko segmen muhasabah nan dipimpin oleh Ust. Aep Saepulloh Darusmanwiati, S.Ag. Dipl. barlangsung mangabu-gabu. ndak hanyo maingek an sadoalah nan hadir untuak salalu mangintropeksi diri, Ust. Aep mengajak sadoalah mahasiswa agar labiah cerdas maliek musibah gampo dan indak tanggalam dalam kasadiahan bakapanjangan. Sampai Kamis malam (14/10) Tim Paduli Gampo Sumbar alah berhasil mahimpun dana sajumlah 13.574. 20 LE + 9 SR + Rp 5500. Nominal tu, jiko dirupiahan mako akan banilai labiah kurang 27 juta rupiah. Selain tu, Pensosbud KBRI-Kairo, Bapak Iwan Wijaya dalam sambutannyo mewakili Dubes RI, mangecek an bahwasanyo staf/home staf di lingkungan KBRI sendiri alah menghimpun dana lo nan diinstruksi langsuang oleh Dubes. Malalui aksi sodiritas tu, alah takumpua dana sabanyak 1450 USD + 675 LE. Jumlah tu, kadepannyo akan diserahan kapado Tim Paduli untuk disaluran kapado para korban gampo nan berhak mandapek anyo. Dana tu ka diprioritasan untuak para mahasiswa Minang nan bardomisili di Mesir nan sanak kaluargannyo di Sumbar manjadi korban gampo. Posted Image Malalui Bapak Iwan Wijaya salaku Pensosbud, perwakilan Duber RI-Mesir juo manyatakan apresiasinyo kapado Tim Paduli Gampo Sumbar nan capek dan hemat dalam oprasional pangguliran acara tasabuik. Inyo menyatakan juo raso simpatinyo akan nasionalisme para mahasiswa Minang, walaupun mamiliki asrama jo aula daerah surang, namun tetap mangendepanan kebersamaan salaku mahasiswa Indonesia di Mesir dengan maadoan acara di Pasanggrahan KPMJB. Malam Paduli tu, selain dihadiri oleh babarapo orang perwakilan Kedutaan Besar Republik Indonesia dihadiri lo langsuang oleh Ketua Kesepatakan Mahasiswa Minang-Mesir (KMM): Sdr. Lingga Fachri, Presiden Mahasiswa Indonesia-Mesir: Sdr. M. Taufik dan Ketua WIHDAH: Sdri. Hani Fauziyah. Samoga apo nan alah diagiahan oleh para donator dan dermawan dibaleh oleh Allah jo ganjaran nan satimpal. (Tim Paduli Gampo Sumbar-Mesir,af1) :terharu: Edited by af1, Thursday, 10. December 2009, 03:18.
|
![]() |
|
| af1 | Thursday, 10. December 2009, 02:46 Post #2 |
![]()
|
:mantaf: Keren Urang awak nan dirantau kan sanak... :piss: :hihihi: |
![]() |
|
| deBosya | Sunday, 13. December 2009, 05:24 Post #3 |
![]()
|
sabana :mantaf: dunsanak nan di Mesir tu mah af1... mudah2an bantuan tu lai sampai ka nan mambutuhkan .... :hayal: |
![]() |
|
| 1 user reading this topic (1 Guest and 0 Anonymous) | |
| « Previous Topic · Kaba Rantau · Next Topic » |








2:26 AM Jul 12